【分秒在握】齊心就事成

第7場三班1650米泥地，最惹人注目的必然是「幸運傳奇」，上仗出爭同程以5個馬位大炒對手，不過今次加了13分還要抽個12檔，能否維持水準不無疑問。博冷不如一吼「齊心同行」，此駒今季轉投伍廐後，先在谷草短途兩度入位，之後回師泥地1200米，配上鍾易禮減磅，贏不出奇，但竟然信心爆棚至2.8倍，則令人頗意外，結果贏個多馬位清風送爽，可見有人眼光甚準。

贏完之後，「齊心同行」先增程出爭田草1400米，在快步速之下放入第4名，表現算是不俗；上仗則回師強項泥地1200米，可惜遇着濕慢泥地，出閘笨拙繼而遠遠落後，直路亦稍騎就算，根本無甚用力，所以今次只隔一星期再跑，其實毋須擔心體力問題。最重要的，係今次場地應正常，以此駒泥地能力，兼且前仗已試準長力，突然出爭一哩，無路程根據之下，估計會有一定賠率，見獵心喜施回馬槍絕不奇。

■長風