人和家興擅跑新鮮

希斯馬房的「人和家興」，以往曾流鼻血，而8月因右前蹄球節做手術，因此延遲至今次復出。睇番9月初就運往從化休息，漸漸才加強工夫，於12月於當地試3課大閘趕工夫，跑得1冠1亞1季，返港埋門再試沙田800米閘得第2名，睇動態肯定有心復出即砌。加上有「擅跑新鮮」的強勁數據支持，值得捧場。

「人和家興」前季11月在港初出，首兩戰即贏，但失去新鮮感即表現轉沉，到上季又用同一部署，首兩戰俱搏殺得手，但之後7戰未曾上名。既然兩季初出例贏，今回操勇復出跑兩捷路程谷草1000米，有傷患底子馬必拚無保留，隨時又一擊即中！