方嘉柏4勝百萬挑戰盃 寶賢得得擬爭皇太后盃

今屆百萬挑戰盃冠軍出籠，「寶賢得得」以53分封王，為馬主取得65萬元獎金，「桃花盛」以48分得亞軍，季軍則同得42分的「越駿知己」及「終身美麗」。

方嘉柏好開心幫「寶賢得得」贏到百萬挑戰盃，亦係佢第4次勝出呢次賽事，佢同馬主關係一直好好，而呢匹馬今季喺三班起步，一直畀到唔少驚喜，甚至早前跑三級賽都接近。完成百萬挑戰盃後，會安排「寶賢得得」回師沙田，唔定都要試吓皇太后盃。

「寶賢得得」馬主之一的林孝賢感謝方嘉柏用心訓練愛駒，愛駒經常交出強勁後勁，令人感到驚喜，佢覺得愛駒仲有進步空間，期望下半季繼續進步。至於點解隻馬叫「寶賢得得」，因為「寶」同「賢」係用嫲嫲同埋自己個名其中一個字加埋，佢同嫲嫲同樣熱愛賽馬，每個賽日都會一齊觀賞賽事，但今晚太夜，所以嫲嫲冇入場。