賈傑美未能來港 連達文接手喜旺駒跑打吡

澳洲女將賈傑美剛周六(11日)發生落樓意外，騎者曾一度失去意識，而且經歷嚴重腦震盪，需要休息一段長時間，而佢原定本周日(19日)前往香港為方嘉柏騎「喜旺駒」出戰香港打吡大賽，如今亦需易配。

方嘉柏今日(13日)表示，自己已搵咗連達文策騎「喜旺駒」。連達文於去年香港國際賽日策騎「瑪蓮必勝」攻下香港瓶，加上本身曾在港策騎一段時間，對沙田賽道當然熟悉。而連達文現時喺澳洲策騎，周六亦都喺費明頓馬場策騎「星相師」(The Astrologist)出戰新市場讓賽，結果以第6名過終點，而「星相師」已獲邀出戰3月25日杜拜美丹馬場舉行的1200米G1阿喬斯短途錦標。

另外，麥道朗亦都上訴得直，可於本周六如期出戰金拖鞋大賽日，然後由悉尼前往香港跑打吡。