【戰況R1】龍之心測試後勁 試出16倍冷W

蔡明紹今季受傷之後，痛失打吡實力馬「新力高升」，此駒轉交何澤堯操刀後更愈贏愈有，神童喺大賽場合只能作璧上觀。不過蔡明紹喺今天打吡大賽日依然有成績交出，頭場即憑何澤堯騎開嘅「龍之心」爆出16倍冷門，仲要係大勝對手嗰隻，算唔算攞咗個安慰獎？

賽後，呂健威表示「龍之心」上場跑得差，與被驗出氣管有血有好大關係，加上剛戰綁脷可能唔太適合，馬匹陣上相當搶口，所以今次除咗綁脷帶，改戴交叉鼻箍，證明效果相當好。由於何澤堯早已答應騎柏廐馬，所以「龍之心」換上蔡明紹執韁。

馬主廖振恒表示呂健威向佢表示「龍之心」有狀態，又特意提醒蔡明紹出閘後盡量讓馬匹放鬆心情競跑，不要搶前走，待最後300米才發力全力衝刺，順便測試「龍之心」後勁如何，結果騎者做足策騎指示，順利替愛駒打開勝利之門。

今場跑第2名為薛恩「快狠準」，何澤堯「駿行星」後上第3，希威森大熱門「錢多多」跑第4。

第1場賽果：10-4-3-12

組合獨贏3揀1賽果：A3(最後賠率3.3)

二重彩賽果：10-4(最後賠率954)