【戰況R4】呢隻集天時地利 幫何澤堯奪第500W！

第4場四班田草1400米，大熱門係「金鼓齊昇」，而「喜報」同「佐治勇駒」就著綠格W，1至3號馬好多人睇好，不過最後係開出4號馬15倍的「金發銀發」。今場彎位步速偏慢，「金發銀發」跟外疊第4位早踩油，一入直路已佔先機，馬本身亦夠勇好肯走，最終幫鞍上人何澤堯帶來第500場勝仗，恭喜晒！至於跑第2名係大熱門「金鼓齊昇」，今場佢在內欄塞咗一陣，而第3名係慣後追一段的「佐治勇駒」。

起完孖贏到35W嘅呂健威，話「金發銀發」看來實力只屬三四班升降機，需要有理想際遇配合，所以陣上遲遲未能出頭，加上馬匹相當粗壯，需要多跑才能操起狀態，適逢季中階段，今次憑住勇態加上理想取位際遇贏馬，希望開竅後會有進步表現。

第4場賽果：4-2-3-5

組合獨贏3揀1賽果：A2(最後賠率2.3)

二重彩賽果：4-2(最後賠率55)