何澤堯：好多謝師傅！亦多謝騎師學校破格收我！

何澤堯贏得在港500W，完咗儀式之後，仲親吻師傅方嘉柏！

憑「金發銀發」達到新里程的何澤堯，話睇返馬會播出自己500w嘅片，自己都感受良多，佢話首先要感激見習騎師學校，因為佢自己當時覺得自己有啲高同埋重，但都肯收佢，佢亦一定訂下目標要做世界級騎師，依家佢都繼續努力，而佢亦希望可以成為新一代騎師嘅榜樣，話畀啲見習學員知，只要努力，一樣有機會贏G1。

另外，佢亦感激呂健威同方嘉柏嘅支持，佢話有時即使自己發揮失誤，都一樣畀機會佢。