【戰況R5】沈集成：維港智能唔鍾意開工太密

第5場賽二班1200米開出正路賽果，潘頓策騎「維港智能」熱至1.5倍馬王級賠率，結果一如捧場客所料，一放到底以大超級姿態勝出，為馬匹取得在港第4W。今場跑第2名為布文次熱門「包裝必勝」，串成3.8倍大熱連贏。蔡明紹「美麗奔馳」後上第3，第4名為波健士「旋風飛影」。

沈集成與潘頓過往合作愉快，但計埋今場今季只係合作交出3W，對上一場勝利為去年12月14日「躡景追」。賽後，沈集成表示「維港智能」初上二班就贏得咁輕鬆，就算賽後要大幅加分都係合理，隻馬本身有脾氣，唔鍾意勤跑，所以賽事與賽事之間會運返上從化小休，儲番新鮮感先再跑。今場布文造唔到120磅，所以好早搵潘頓效力。

馬主朱潤流表示，「維港智能」今場有好檔幫助，加上潘頓策騎令人有信心，只要繼續發揮出水準，評分應可超過100分。

第5場賽果：10-5-7-9

組合獨贏3揀1賽果：A1(最後賠率1.2)

二重彩賽果：10-5(最後賠率5.3)