【戰況R6】布文大熱已經發揮一絕 都係追唔到連達文！

第6場三班2000米，上限調高至85分，83分的「錶之五知」得以出戰呢場三班賽，配上布文更成為大熱門，呢場騎者又再淡定哥上身，沿途留在尾後，成棚馬埋在一舊，其實「錶之五知」落後唔遠，直路布文在馬林中穿插上來，一度似有勝望，但今日來港客串的連達文，將蕭家軍匹「波爾多」發揮到淋漓盡致，擺前走直路半程分韁後再開鞭，動作非常流暢，「波爾多」勁勢彈住走，最終頂住「錶之五知」衝刺爆出11倍W，5歲英國自購馬今季贏出第2W，完全適應晒水土了。是場跑第3、4名，係何澤堯的「合夥精英」及周俊樂的「自然力量」。

「波爾多」馬主蕭楊顯婷丈夫蕭劍新話，蔡約翰今場特意找連達文操刀，騎者留放得宜，有形勢幫助牠勝出，是贏馬的關鍵。呢場賽後仲見到蔡約翰囡囡有份拉頭馬，以前見佢仲細個，依家大個咗好多了，仲愈來愈似佢老竇添呀~

第6場賽果：7-1-8-11

組合獨贏3揀1賽果：A2(最後賠率2.6)

二重彩賽果：7-1(最後賠率52)