麥道朗：我明白潘頓嘅痛苦

由於潘頓需要策騎「加州星球」，令麥道朗冷手執個熱煎堆，可以夥拍「金鑽貴人」出戰女皇銀禧紀念盃，並順利贏馬。

賽後，麥道朗話都好明白潘頓要喺「加州星球」與「金鑽貴人」之間選擇係好困難，因為兩駒都係好馬，而「金鑽貴人」今仗再次展現佢極強加速力，怇認為此駒相當聰明，今日主要跟住「加州星球」跑就得，最後200米已經好有信心過到「加州星球」。

麥道朗又話好享受喺香港策騎嘅每一刻，喺香港跑大賽同埋贏到大賽，幾時都係咁令人振奮。