【戰況R9】有信心旺旺神駒補中 沈集成多謝騎馬人教閘

「旺旺神駒」上仗成為大熱門，卻因為大漏閘而倒灶，今仗練馬師沈集成畀多次機會潘明輝，結果出閘順利，雖然沿途要走三疊，但超級馬唔怕多走腳程，直路施展凌厲後勁輕鬆勝出，練者是日起孖。

賽後，沈集成話「旺旺神駒」今仗前用咗好多時間教閘，多謝司閘員同埋騎馬人Leo花咗好多心機，今場亦都同馬主表示有信心唔會再慢閘。今仗抽到13檔比起抽1檔仲好，因為即使真係慢閘，可以喺13檔慢慢切入，而A欄跑三疊有遮擋亦可能比貼欄好，所以都好有信心補中。練者又指，潘明輝賽後匯報「旺旺神駒」走規仲係唔集中，但從另一角度睇都係好事，因為證明隻馬仲有進步空間。

今場跑第2名為何澤堯「歐洲傳奇」，鍾易禮「美麗邂逅」跑第3，第4名為蔡明紹「勇敢夢想」。

第9場賽果：4-6-2-8

組合獨贏3揀1賽果：A1(最後賠率1.4)

二重彩賽果：4-6(最後賠率31)