和情人深深一吻 來代替講話

今日巴度憑住「旅遊氣泡」贏出打吡大賽，騎者終於可將之前不快經歷抹走，而賽後見到巴度太太Eva響場邊忍唔住喊，仲同老公深情擁吻，堅係溫馨過劉溫馨呀！

巴度亦表示，賽前並無諗過會贏到今屆打吡，其實今個馬季經歷咗受偒同停賽很多不快經歷，今次能夠贏到呢場大賽，總算一抒悶氣，呢場意外驚喜，亦要多謝姚本輝的精心部署，因為賽前亦用了很多時間商量今場跑法，而馬匹今次一改放頭跑法，亦展現了馬匹極高潛力。巴度仲話首度柒指此項大賽，心情好興奮，好感謝姚本輝畀個呢個機會，佢話由於抽14檔，只能被迫留後，但話步速唔算快，中段逐步改善位置，佢話隻馬入直路後仲係好好鬥心，佢話呢隻馬好好質素，今次反而可能呢個檔位，令佢哋改變跑法贏到呢場賽事。

另一邊廂，馬主程俊華賽後都同樣喜極而泣，同成班親友忘形大嗌，場面都係好感人，講真，一世人能夠捧到打吡，開心到爆係正常嘅。