【戰況R10】旺爆輝哥爆響口：呢隻質素拍得住高大威猛！

殺得性起的姚本輝，尾場再有馬贏！第10場三班田草1400米，姚廐連場熱倒的「步大威猛」再成為2倍半大熱，今次增程出撃兼遇上慢步速，「步大威猛」留在中間外疊位衝，反應好凌厲，拉士400米爆一段全場最快的22秒31，力克亞軍15倍冷門「超級龍珠」同季軍潘頓次熱門「色種笑」，呢件綵衣終於再贏。

捧走打吡後再食埋尾胡的姚本輝，話「步大威猛」腳法都唔係跑1200米馬，而佢跑1200米贏到先畀佢跑住1200米先，所以近兩仗喺1200米落敗都唔完全係輸際遇，今場增程1400米都係合理部署，姚本輝又指，買落「步大威猛」嗰陣都已經覺得隻馬似「高大威猛」，但「步大威猛」步姿跑落都好輕盈，唔似1300磅馬，對「步大威猛」都有啲期望，希望佢成就都貼得住「高大威猛」。

第10場賽果：4-6-2-8

組合獨贏3揀1賽果：A1(最後賠率1.4)

二重彩賽果：4-6(最後賠率26)