應家柏：女皇銀禧紀念盃好高水 文家良獲續牌證明正確！

是日打吡大賽日，10場賽事投注額為16.18億元，較上年同期升6.3%。應家柏話好滿意今個賽日，女皇銀禧紀念盃雖然只得5隻馬，但賽事水準很高，證明文家良獲續牌係正確，而打吡賽果係有驚喜，姚本輝證明自己能力，亦大讚何澤堯攞到第500W，而佢亦提到今日有6萬幾人入場，氣氛好好，投注額亦係打吡第3高，如果女皇嗰場多啲馬可以破紀錄。另外，應總亦提到冠軍賽馬日3場G1於聽日截止報名，相信都會吸引好多外隊馬報名。

至於今日落樓嘅楊明綸，周三賽事排位之前要接受醫生檢查，暫未確定能否如期入紙。