郭富城愛駒發燒 排位前退出

天王郭富城愛駒「舞林密碼」上月底初次上陣跑三班1000米直路賽，結果取得亞軍，僅以半馬位之差不敵「怡心聲」，當日有入場打氣嘅城城亦對馬兒表現感到滿意，而此駒原本已報爭角逐今個禮拜日嘅三班田草1200米賽事，可惜排位後卻唔見此駒在陣。

馬會啱啱公布排位前退出馬匹名單，原來「舞林密碼」因發燒被迫退出賽事，由後備馬「經典之星」補上。另外，周日第10場三班1400米，韋達訓練嘅「都靈福星」則因腹絞痛於排位前退出。