【六合彩復活節金多寶】「猜枚」猜出頭獎3800萬？

今晚周四有馬跑，六合彩將會輪空一期，緊接星期六會舉行六合彩復活節金多寶攪珠，預計一注獨中頭獎，派彩可高達3,800萬元。

遇正幾日假期，大家可能會外遊，如果想中3,800萬六合彩頭獎，記得提早投注喇！提提大家，截止投注時間會響周六晚9時15分。

睇番近3期開獎號碼，唔少號碼開完再開，幾旺打疊！好似8、12、40響前兩期都有現身，去到上期，就有19同24冧莊。至於上期連同特別號碼仲開出4、15、20、36、47，照攤路計，呢幾個號碼都好可能再現身！識玩猜枚都識「十五、二十」，所以15同20呢對最搶眼球，就「猜」15同20再露面，幫大家贏頭獎啦！