【戰況R6】全哥連轟3W 蔡約翰未可安枕！

今季冠軍練馬師之爭，現時4月尾先至正式展開！蔡約翰一路高據榜首，但早前姚本輝狂追，現時只落後5W，不過靜咗一排的羅富全，今日先憑「爽快」同「大眾勝利」起孖，到第6場三班泥1200米九龍木球會百週年紀念盃，何澤堯策騎的4.7倍馬「年少有威」，全程快跟「八駿巨昇」直路再彈甩贏馬，羅廐今日執咗3W，頭馬數字已經上到48W，過番姚本輝進佔第2位，差蔡約翰4場咋！是場跑第2、3名，係留後追的大熱「晶晶日上」及頂在外疊首度在泥1200嚐敗仗的「魅影獵飛」。

賽後全哥話「年少有威」上場贏馬之前都有試閘，所以今場賽前都試閘，做番相若操練工夫，而「年少有威」今場贏得仲輕鬆咗，但之後部署要視乎加分幅度再決定。練者指，「年少有威」季初情緒仲有啲問題，但跑完季初一仗之後都慢慢好啲咁，只係4歲馬希望佢繼續進步。

第6場賽果：7-9-8-10

組合獨贏3揀1賽果：A2(最後賠率2.4)

二重彩賽果：7-9(最後賠率16)