重返贏馬評分除埋眼罩 隨時再做季尾馬！

季尾階段，唔少賽駒經過連場硬仗之後已經展現疲態，但亦有部分賽駒突然喺季尾狀態適時回勇，陣上變身突然取勝，今期第7場二班1200米田草賽事，羅富全馬房「夢想成金」就係其中一駒，今次再戰贏馬路程二班1200米而且棄用所有配備，同贏馬一仗一樣，有權除罩變身。

「夢想成金」服役初期連贏6場，一直扶搖直上，但睇番此駒近兩季成績，去到3位數評分之後似乎摸頂未有突破，不過此駒健康一直良好，亦能維持正常出賽頻率，結果上季尾去到5月下旬，出戰同程賽事，喺何澤堯胯下大爆50倍冷W，其後「夢想成金」再出戰盃賽亦跑入第2，似乎重返贏馬評分之後，喺季尾亦都可以重振雄風。「夢想成金」近幾仗嘗試用眼罩，但似乎效果平平，今場練者都決定為佢除去眼罩，再戰贏馬路程，隨時喺季尾扳回一仗！