唔止郭能 呢位名女將一樣認錯終點

成為歷史性首位勝出英國障礙賽嘅女將貝美雅(Rachael Blackmore)，上周一(15日)响愛爾蘭喬柏郡(Kilbeggan)馬場所舉行嘅4800米跳欄賽中，因為認錯終點，力策坐騎Lady Rita提早一圈提早發力，坐騎以第4名過終點後隨即拉停，日前經過研訊之後，最終因為判斷錯誤，被罰停賽5日。

雖然當日賽後，貝美雅已被競賽小組傳召問話，卻未有即時判罰，然而誠信委員會的介入，翌日愛爾蘭賽馬會隨即公布，將會押後研訊，事件周三經過聆訊後，競賽小組最終以判斷錯誤，未能令馬匹保持最佳位置，判罰停賽5日。

香港馬迷熟悉嘅郭能，去年10月响金頓馬場舉行嘅一場膠沙地賽事中，亦曾老貓燒鬚，同樣因為認錯終點，提早一圈全力催策坐騎衝過終點後，隨即收停，結果被判罰停賽12日，量刑相比之下，以貝美雅於跳欄騎師的超然地位，已算係小懲大戒。