蘇銘倫法國打吡又叫胡

蘇銘倫去年因為批踭事件，無奈與阿加汗結束賓主關係，今季自由身發展，一樣有唔少大賽棋子，將於下月4日舉行嘅法國打吡大賽，神蘇又有胡叫，响佢胯下兩戰未逢敗績嘅Feed The Flame，練馬師巴利決定將於下星期在最後階段加入報名。

巴利透露，呢匹出自「皇僕」子嗣，由於係遲胎4月才出生，一般都會偏向慢熱，所以起初沒有打算為佢報名打吡，兩個月前才以3歲之齡出戰新馬處女賽，結果以5個半馬位大勝對手，到月底响隆尚再戰贏馬途程，變化場地下再下一城，雖然贏馬距離縮減至個半身位，但兩場贏馬一鞭未開過。

蘇銘倫亦係識貨之人，响Feed The Flame贏完首仗之後，佢就事先張揚，只要馬匹出戰打吡，佢會樂意效力，如今以72,000歐羅响下周加入報名，蘇銘倫大有機會，繼曼迪沙寶連勝20、21年法國打吡之後，輪到佢以「奮蹈厲」同呢匹餐士馬，打疊連贏兩屆。