久休復出落埋四班 航哥想旺就靠呢10磅！

季尾階段，唔少賽駒季內力拚甚多，現時亦開始歇暑，為來季做準備，最近亦都有唔同質新唔差嘅賽駒早前曾受傷患困擾，養好健康後再出亦都有唔錯成績，呂廐就有「百勝名駒」，而剛周三晚丁廐「其藝先鋒」小休幾個月後復出跑第2場亦都即刻贏馬。

今期沙田日賽，亦有一匹好耐冇見嘅賽駒，就係來自葉楚航馬房嘅「紅旺」，此駒將會出戰第6場四班1400米田草。「紅旺」大前季曾取得4捷佳績，絕對係葉廐代表作，不過上季表現較為淡靜，今季更因左前腿懸韌帶受傷而久休超過半年。「紅旺」喺4月27日由見習學員薛兆恆喺從化試咗課800米閘，考閘合格後，此駒5月9日埋門再由黃智弘親自考驗，結果末段走勢亦都唔錯。

「紅旺」昔日曾居二班跑谷草亦只以2乘半見負，此駒今季三班起步，自上仗後被減2分，今仗重返四班出戰當然佔班利，練者亦都悉心部署起用黃智弘減10磅出戰，只負124磅，排8檔出閘後順利搶放，季尾隨時一味靠放都可以取得好成績。