田泰安希威森齊齊踩單車 唔怪得一直都咁Fit！

今日(26日)係公眾假期，但並未有影響馬圈上下為周日遮打盃賽日備戰，今早亦有唔少騎師出席晨課，為唔同參戰馬進行最後試跑，而田泰安、希威森喺晨課過後更相約齊齊踩單車！

田泰安向來鍾意踩單車，亦都試過凌晨至清早時段踩完單車先出席晨課，呢日騎者喺社交網站上載限時動態，貼上自己同希威森踩單車嘅合照，兩人沿城門河一直踩去吐露港，又可以娛樂之餘，做運動更加對身心都有正面影響！

兩位騎師周日亦手執不少實力坐騎，當中希威森剛戰谷夜亦起孖，季內頭馬已冒升至38場，且看兩位一直保持好狀態嘅騎師，周日會唔會再有頭馬交出喇。