備戰工夫無懈可擊 會唔會係遨遊氣泡翻版

周日第8場上演G1遮打盃，聚焦點必定放在「浪漫勇士」及「直線力山」兩駒身上，不過如果想搏吓冷門，姚本輝馬房件「自然力量」也未嘗不可，此駒在近期備戰工夫做到無懈可擊，狀態是季內最弗一次，周1晨課已交由鞍上人霍宏聲過檔試跳草地，當時見練者緊張到極點，全程傍到實，到咗今朝又有搏殺動靜出現，馬房再安排聲仔試多課，騎往大圈單跳1段，鏡頭依然吸引，對於幕後而言，呢場G1跑第6名都有廿多萬獎金收，若對手表現失準，隨時係「遨遊氣泡」翻版都有之。

輝哥唔單只對「自然力量」著緊，另一件跑第7場四班1400米的「大數據」也十分重視，操練前後均有重點吼實，要留意此駒上仗初出已有捧場飛，事關備戰工夫到位及試閘有走勢，不過臨場卻遇變化場地兼慢閘，沿途跟尾食泥頭都食飽，最終跑第7名而回，今鋪即時換人由田泰安轉巴度，期待展現出馬兒真正實力。