破雷神170W紀錄好忟水？潘頓周日一口氣狂追數！

無敵是最寂寞，潘頓依家喺香港獨大，可謂呼風喚雨，但佢仲有一個任務要做，就係打破莫雷拉單季170場頭馬紀錄。

潘頓今季已贏得138場頭馬，追平雷神紀錄欠32W，而馬季尚餘14次賽事，換言之佢每次起孖都唔夠數，當中仲要有連中三元甚至食出大四喜，聽落好似高難度，但周日就有機會跨進一大步，事關潘一哥周日騎足11場，當中不乏牌面馬。

「浪漫勇士」出戰遮打盃就唔使再多講，「旺旺神駒」、「順利取勝」、「精算謀略」「紅運帝王」、「喜蓮勇感」都係牌面馬，甚至乎新馬賽嘅「獎金大少」已連足兩場有走勢，今仗轉戰轉彎路程都唔會係陪跑分子，真係有權連場數胡，你又覺得潘頓周日贏到幾多場呢？