【分秒在握】挑戰二班一樣做英雄

布文停賽兩日後復出，從署上看，該兩日停賽應是諗過度過，因為今次復出，在遮打盃會騎「將王」撼「浪漫勇士」，而人馬合作4戰全勝的「英雄豪傑」，再度出爭直路賽，種種蛛絲馬迹可見，騎者今次復出應該係搏殺格。

「英雄豪傑」最近5次上陣都係跑直路賽，其中4次配布文全勝，當中更試過贏4個半馬位及3個馬位，簡直有深不見底的感覺，而練者文家良上仗勝後更表示，會再等直路賽方出，以免落敗損害馬匹鬥心。此駒雖然主攻最短途，但卻是一匹後追馬，前仗更試過由幾近包尾追贏對手，可謂藝高人膽大。今次初升二班，對手當然強得多，但值得慶幸的，係有「緊張大師」及「狀元及第」等快馬在陣，加上出賽馬只8匹，估計末段取位亦不會太難，如是者「英雄豪傑」應該有權完成季內第5捷。

■長風