3駒退出兩駒補入 其中1匹係下周三正選

2023年05月27日 10:17
東網電視
更多新聞短片
「花好月盈」上仗初出大熱倒灶,今回補出跑田草1200米。
馬會啱啱公布聽日沙田賽事有3駒退出比賽,分別係第2場「浪漫風采」、第5場「唯美主義」同埋第6場「世紀明達」,由於第2場只得8駒上陣,依家「浪漫風采」唔跑,最終只得7駒參戰。
至於第5場就由後備馬「花好月盈」補上,改為霍宏聲策騎,將負129磅上陣,呢匹黎廐馬上仗初出被捧成大熱門跑尾二,本身係下周三谷戰四班1200米第一組嘅正選馬,依家提早出賽。
而第6場就由後備馬「天駿寶」補上,繼續交畀梁家俊策騎,將負125磅上陣。呢匹蔡廐馬兩次出賽都跑田草1200米,表現一般,今次增程跑1400米,且看能否取得突破。