東網電視
更多新聞短片
「驕陽明駒」(近鏡)試泥閘走勢吸引，有權一鳴驚人。
嚟到呢個階段，最近幾季經常做阿二嘅蔡約翰，相信可以重奪冠軍練馬師，兼且係第12度封王，認真犀利。不過，就算奪冠機會好大，蔡約翰都照樣安排馬匹出擊，周日沙田賽事亦有9駒參戰，當中包括初次上陣嘅3歲澳洲PP「驕陽明駒」，角逐第6場三班田草1200米，值得留神。
先睇外地賽績，「驕陽明駒」喺澳洲只跑一仗，結果喺場1106米賽事贏馬，拋離對手兩個幾馬位，然後評64分插入三班，來港後4課試閘都係由潘頓考驗，擺明受重視。不過，更值得提嘅係此駒父線出自「豪華房車」(Toronado)，而蔡神仙訓練呢系馬匹特別有心得，先後有「旋風飛影」、「魅力知遇」一出即勝，「醉眼光」、「幸運快車」亦交出好成績，暫時只得「鑽石福將」差啲3戰全負。今次輪到「驕陽明駒」登場，睇吓蔡神仙能否保持訓練「豪華房車」子嗣例有佳作嘅傳統。
