6月3次做阿二 何良點算好？

季尾階段，最刺激嘅似乎係護級組嘅情況，最近鄭俊偉憑「愛馬善」建功，依家只爭兩場四班或以上嘅馬頭馬就上岸，唔使被淘汰，而米高哥一樣已經收咗兩封警告信嘅何良，自從4月23號憑「夢巴黎」捧盃攞到佢第13W後，已經個幾月無進帳，如何情況延續落去，練馬生涯隨時結束。

其實呢段時間何良盡力安排廐內僅有嘅兵力出擊，可惜運氣就麻麻地，單係今個月就有3個亞軍，6月初先有「天天得樂」遇上流鼻血後復出嘅「添濼意」，只跑第2名，然後就係「勇進齊心」輸短頭畀「中華英雄」，尋晚跑馬地賽事就仲慘情，「謙謙君子」終於抽次好檔位，同場卻有超晒班嘅初出馬「歡樂至寶」，結果又係亞軍。

到啲今個周日賽事，何良派5駒參戰，當中包括落到五班嘅「最多歡笑」，演出穩定嘅「縱橫天下」，睇吓能否為馬房爭分。

想睇更多雅士谷賽期精彩內容，可按下面鏈結：

https://rb.gy/ku7vn