【戰況S2-1】春秋分1.1倍贏寶塚險中伏！

日本馬王「春秋分」喺今屆寶塚紀念賽擺下擂台，喺李慕華胯下被捧成1.1倍全熱門，結果八九疊轉灣入直路依然勝出，叫做有驚無險。「春秋分」繼秋季天皇賞、有馬紀念賽及杜拜司馬經典賽之後再擸一場一級賽，據報此駒好大機會留喺日本出戰日本盃，不會遠征法國凱旋門大賽力求「打爆機」。

今場跑第2名為池添謙一「遊遍汪洋」，呢匹三級賽中山牝馬錦標盟主今仗初戰一級賽，若非直路嚴重受阻，真係有機會威脅「春秋分」。鮫島克駿「駿天宮」跑第3，今年來港出戰女皇盃嘅「吉典娜」，喺武豊胯下跑第4。

S2-1賽果：5-6-9-11

二重彩賽果：5-6(最後賠率26)