移動方位 包裝旋風吹襲跑馬地

明晚頭場賽事，對於力爭4連勝嘅「包裝旋風」，若然計死數，呢匹馬近期3連勝嘅佳績，仲要抖足一個月，面對同場其餘對手，只得「驚喜」季內贏過1W咁大把，其餘5匹更加未曾贏過，都可以講係夢幻形勢。

以「包裝旋風」自從响冠軍賽馬日，由莫雷拉客串贏馬之後，馬匹完全開竅，升上三班由班德禮接手，一樣照贏，雖然話三場加埋嘅贏馬距離，唔夠一個馬位，但北半球馬响首季已經愈跑愈進步，亦令馬主躊躇滿志，期望新季可以有進軍高班錦標場合機會。

今次首度轉場，兼且繼續增程跑大長途，弱旅場合造就下，難度指數大減，唯一可彈就係一千磅唔夠嘅馬，今次要負責任133磅掛頭牌，不過以雷神响四班孭帶135磅照贏無誤嘅表現，呢次繼續恃質恰對手，大有機會成為柏廐今季首匹4捷明星馬。