轉戰京都夾公仔 羅富全滿載而歸

經過一整季嘅辛勞，有咩好得過趁暑假同家人去旅行玩吓，就算講過自己最鍾意返工嘅羅富全，都把握機會喺今次暑假同屋企人旅行散心，有留意我哋《東網》馬經嘅朋友，應該都知全哥一家去咗日本玩，之前亦見到全哥喺自己社交平台晒吓佢喺大阪嘅自拍照。

除咗大阪，羅富全亦趁今次日本之旅去埋京都，睇番佢喺社交平台最新上載嘅相，原來全哥去咗京都著名景點嵐山，佢仲同埋屋企人一齊玩夾公子，睇相至少見到有4個大公仔，都算叫做滿載而歸啦。咁究竟邊個係夾公仔高手，會唔會係全哥呢？