養馬費每月平均6.1萬元 邊個最平邊個最貴？

馬會一向都好重視服務質素，對於馬主當然照顧周到，會方定期都會喺馬主專區網頁發布資訊，亦會定期公布每位練馬師平均練馬費用，若然早前留意開嘅話，都會知道黎昭昇馬房剛季練馬費用較其他練馬師為高，其中一個原因係新倉首季，要先購入馬具等唔同用品。

喺最新公布嘅練馬費用當中，黎昭昇繼續高踞榜首，由2022年7月至2023年6月，黎廐平均馬匹數目52駒，平均每月練馬費用為$68,208。

至於2022年7月至2023年6月，最低平均養馬費係文家良，以其平均馬匹數目52駒計算，平均每月練馬費用為$53,513，同榜首黎廐相比相差$14,695。

香港養馬向來都唔係平，練馬費用包括眾多費用，例如基本養馬費、練馬費、聘約騎師或策騎員費、藥費、補劑費、治療費、手術費、飼料費、墊料費，以及其他因各駒而異項目，例如飼草、馬具等費用。馬會公布呢項資料，馬主們就算養馬，都起碼清楚啲費用使咗去邊喇！