上季朱晨麗兩訪馬場 一次TVB盃一次拉頭馬！

今日前港姐冠軍朱晨麗做晒頭條，度度都見到佢個名，講開又講，呢位靚女上季至少兩次嚟咗馬場，第1次係2月19日TVB賽馬日，朱晨麗包到實一實嚟撐場，仲同視帝譚俊彥、陳煒和黃智賢響沙圈頒發「最佳外觀獎」添。第2次就係季尾4月26日跑馬地夜馬，徐廐馬主張敬峰「電訊飛車」贏馬，都見到呢位女神到場影頭馬相呀，當晚朱晨麗著件白色連身裙，身材仲係好弗呀~