又一猛龍過江 艾兆禮今時唔同往日

意大利好手艾兆禮崔護重來，獲發半季牌照，在今早由馬會騎師經理人陪同下以便服到場，與各練馬師及騎師打個招呼，兼且細心觀看試閘細節，好讓盡快適應本地馬圈工作流程，騎者會在今日驗身合格後便會正式操馬。

艾兆禮曾於2014年來港，獲馬會發牌3個月，不過佢當時只騎咗唔夠1個月，贏了3場頭馬便因私人理由提早離開香港，此一時彼一時，名氣及騎功已比當年跨進一大步，而且可造116磅輕磅馬，相信會對其他騎師帶來一定壓力。