浪漫勇士開操！副練Ben So有到澳洲打點！

「浪漫勇士」連同廐侶「浪漫風采」於過去兩周在港進行檢疫隔離後，於上周六(9月16日)已經飛往澳洲。前駒準備出戰10月7日舉行的2000米一級賽東寶錦標，而後駒此行屬拍跳馬性質。今日(9月19日)，兩駒已經喺澳洲墨爾本華利比馬場開操。

「浪漫勇士」今早就由助手主理操練，沈廐副練蘇狄雄(Ben)亦都有到澳洲打點，今早Ben仔就騎「浪漫風采」，睇番澳洲當地傳媒拍攝嘅相片可見，「浪漫勇士」狀態依然保持，相信再多幾日適應過後，狀態當然可以再提升。而Ben亦都有接受當地傳媒訪問，表示「浪漫勇士」到埗首日食料唔係好好，幸好適應得快，現時胃口比稍早一至兩日好轉，對現時進度感到滿意。

另外，希斯3位囝囝所訓練嘅「樂觀派」(Mr Brightside)，希斯今日受訪時表示，「樂觀派」將會喺跑畢覺士盾之後再決定跑1600米G1香港一哩錦標定係2000米G1香港盃，換言之，屆時「樂觀派」就先會喺澳洲同「浪漫勇士」來一場龍爭虎鬥。