三代同堂！黎昭昇老竇同爺爺探班！

黎昭昇上季取得35W成績，表現已算不錯，今季此倉口增加了兵源，又喜獲「福逸」加盟，自然有更多人留意黎廐動態，然而跑咗3期賽事，黎廐出馬總數8次，只取1季成績，唔通佢同上季一樣，又係季初慢熱？不過睇番今期賽事，黎昭昇派3駒列陣，全數正選馬都喺跑馬地有穩定表現，有望可於今期開胡。

今日(19日)晨課，黎昭昇除咗密密打點馬房事務之外，佢嘅爸爸同埋爺爺，都專程到沙田馬場探班，雖然黎昭昇爺爺需要用到枴仗輔助行路，但仍然有心有力，一直睇足5組試閘，又問候黎昭昇，可見一家人關係非常融洽。至於黎昭昇馬房Instagram，昨日亦都有貼上一家人齊齊食飯嘅溫馨合照。相信練者都想盡快贏馬，喺家人面前威番一次！