【分秒在握】楊明綸繼續打衝鋒

今次賽事出馬雖然未算踴躍，但尾幾場的高班賽卻相當有均勢，只要形勢與估計稍有出入，賽果隨時會變得好分。第7場三班1200米，名氣馬「舞林密碼」排在9檔，而潘頓坐騎「實力派」亦排在8檔，單此兩駒表現已相當難估。

環顧這場參戰分子，發現放頭馬不算多，估計會搶的不外乎「電氣騎士」或「雅典武士」，相信步速不會太快，如是者能夠跟前而又有後勁的「其藝先鋒」應有一博的價值。此駒上季初表現一直徘徊，在1月時更跑到包尾，賽後小休近4個月復出，結果轉爭谷草之後，3戰得冠殿各一，表現明顯有大幅進展。

來到今季，「其藝先鋒」早在7月尾就已經復課，到8月尾試泥地大閘前快後勁跑第2，工夫可以話早已做足，今次配楊明綸當然不為人注意，但騎者季內已獲1冠2亞表現充滿朝氣，今次手執這匹邊線分子，當然又再全力出擊。

■長風