成哥提早送禮畀馬主過中秋

沈集成與田泰安合作無間，今期夜賽又有件好嘢交畀阿田，其中第6場三班1650米的「滿月」，上季尾跑過3仗雖未有表現，但走勢卻不俗，跟著主馬群而返所負不遠，馬兒經過暑期漸漸成長情緒變得集中，明晚演出有望帶來驚喜。

騎者對於此駒的操練也甚為緊張，邇來過檔快跳4課加1課泥地大閘，走勢有前有後，令人印象深刻，朝早成哥也出現搏殺手影，6時40分安排「滿月」出內圈踱步加課，見佢走上烽火台頂樓督操後再折返閘口接馬，更露出信心十足模樣，下星期既然中秋將至，贏出呢件送畀馬主夠晒應景呀。