【露露通】鼓浪精綵有前有後

布文現時以6W登上騎師榜榜首，雖然騎者未能造輕磅，但佢騎重磅馬甚少失手，上季至剛戰日賽為止，布文策騎負磅130磅或以上嘅賽駒，喺過去310場次之中，共取41冠43亞51季成績，上名率逾四成，對唔少練馬師嚟講，當未能預約潘頓效力，都仲有可信賴的對象。剛戰「巴閉哥」威哥換人，剛巧布文有空檔，騎練一拍即合，結果延續旺勢再添1W，正正就是例子之一。但另一角度睇，潘頓部分實力重磅馬亦隨之流失，分分鐘依家先至係開端。

今期潘頓滿額上陣，但牌面未算過於突出，不妨留意其他騎師邊線坐騎。第5場文廐「鼓浪精綵」，賽前試閘一放到底前後兼備，出閘夠爽當可主動上前搶放，機會樂觀。同樣來自「鼓浪」系的「鼓浪晴天」今仗抽10檔唔易跑，但前景相信唔差，初出宜拖一注。