【三T】$2,600萬三T捧潘頓

上周谷草首戰冇人中正三T，故今次有$1,776萬多寶，$10獨中派彩$2,600萬，梗係要多加參與。潘頓上周三連勝紀錄斷纜，全晚更只得3席季軍，表現認真失威。隔一星期再次渡江，潘頓坐騎分量大幅提升，其中三T場合首兩關更加值得作為馬膽。第4場「創福威」上季轉投黎昭昇馬房後主攻谷草1000米，出賽6次全部跑同程，結果4度上名之外，更加全數獲得獎金，表現可以話相當準，呢類忠心分子，作為三T馬膽啱晒。第5場「駿皇星」前速夠快，埋門試大閘一放而回，潘頓季內與文家良合作3次1冠1亞上名率高，今次騎練只合作此駒，當然信得過。