【戰況R6】威哥兩個女一齊影頭馬相！

開季手風奇順的呂健威，今晚又贏，連贏4期喇！第6場三班谷1650米，呂廐「自力更生」賽前在從化試閘跑第1，加上排埋1檔，閘前落重飛打到4倍大熱門開跑，果然飛到馬到，沿途守內欄伺機，見彎位步速慢易困守，希威森挨開對手、移出中檔成功望空，跑過半程後加速力好勁，最終彈甩亞軍艾兆禮後上馬「川河首駒」及季軍走內檔的「久久為攻」，奪下服役第3W，而騎者都打開今季勝門了。

賽後見到威哥女兒同另一位「半邊女」蔣嘉琦一齊拉頭馬，堅係溫馨呀，「自力更生」其實係嘉琦引入，佢嚟影頭馬相好正常。

第6賽果：2-6-7-4

二重彩賽果：2-6(最後賠率80)