鏡仔陳卓賢震撼沙圈 署長都嚟追星

今日係時尚煲呔賽馬日，MIRROR成員陳卓賢擔任開幕表演嘉賓，大批粉絲Hellosss一早進駐馬匹亮相圈準備睇表演，當陳卓賢現身時立即響起瘋狂歡呼聲。粉絲當中，最矚目可謂房屋局常任秘書長兼房屋署署長的羅淑佩，佢之前已被目擊追星追到去機場，依家又現身馬場捧場，以行動證明自己喺忠心Hellosss呀！

陳卓賢獻唱《留一天與你喘息》與《抱抱無尾熊》等，Hellosss聽到如癡如醉兼大合唱，而陳卓賢更不時向粉絲揮手，真係勁識做，所以人紅係有原因嘅。