破空極光考菲爾德登場 野心勃勃擸晒兩場G1頭馬

疫情之後，「破空極光」成為首匹遠征澳洲春季嘉年華嘅日本賽駒，星期六就會開上前線，由連達文出戰考菲爾德盃。

「破空極光」除了出戰考菲爾德盃之外，終極目標就係墨爾本盃，而練馬師吉岡辰彌對於今次安排馬匹遠征澳洲，口脗同「浪漫勇士」練馬師沈集成一樣，揚言並非志在參與，決心係擸走晒兩項獎盃。

其實日本賽駒響考菲爾德嘅往績不俗，響2014年潘頓騎「愛發達」、2019年連達文騎「白朗冰川」，分別贏過兩屆賽事。雖然上述兩匹馬，跟住都係出戰墨爾本盃，表現平平，而練馬師吉岡辰彌表示亦若論實力，「破空極光」與兩匹勝出考菲爾德盃嘅日本賽駒，實力相若，但若論大長途能力，就肯定秤先其餘兩駒。

尤其響3200米G1春季天皇賞，「破空極光」敗於「駿天宮」等實力分子跑第4名，試準跑墨爾本盃所需長力，練者指出日本草地跑道太硬，相信「破空極光」響澳洲較鬆軟場地角逐，必能展現更大威力，況且有連達文助陣，對於周末首戰考菲爾德盃，可以講係信心滿滿。

今屆考菲爾德盃中，除咗日本賽駒之外，尚有另一匹海外賽駒，由岳伯仁訓練嘅「快手出招」(Okita Soushi)，馬主亦係日籍大馬主松本俊廣(Toshihiro Matsumoto)，但論實力就肯定唔及得上「破空極光」咁突出。