【馬場第一攝】成哥出招追落後 晨課露搏殺手影

沈集成馬房在11月份暫時只贏過兩場頭馬，同樣是由「超超比」奪得，成績如此滯立，相信或多或少係「浪漫勇士」遠征效應，依家練者將集中力放回香港大本營，可望盡快納入正軌，就以今期賽事為例，沈廐派出4駒上陣，有第2場「樂捉鳥」、第6場「城中勇士」、第7場「十八掌」及第8場「勇威神駒」，各駒均具有爭勝實力，絕不可小覷。

練者在晨課活動中亦動靜多多，7時15分，上述4匹參戰馬一lot過亮相，由助手騎往內圈加課，成哥慣例睇足全程，機坪欄邊，烽火台頂樓再折返馬房閘口，仔細檢視緊張到痹，搏殺意欲表露無遺。

焦點馬匹有第7場三班1650米「十八掌」可留意，上季在四班同程贏到甩晒，升上三班對壘跑得接近，5歲馬大勇當起，態況勇銳，上鋪運送途中擦損腳退出純屬意外，影響不大，今次可補數。

早餐料:

第2場:6「樂捉鳥」

第7場:10「十八掌」

第8場:10「勇威神駒」

阿藍