【三T】三T追買4捷騎練

上周三雖有「祥華孝寬」及「閃耀將神」等冷門入圍，但最終三T亦有2.1注中正獎，因此今次未有多寶。今晚夜賽8場，三T編定在4、5、6場，剛周日艾道拿及蔡約翰分別食出大四喜，跟紅頂白，今次不妨向此對騎練埋手。頭關艾道拿及蔡約翰合作的「奇寶」，出爭耍家谷草1000米，除了同場快馬多有得追之外，排3檔亦有利稍留慳位，三甲應穩。次關蔡約翰冇馬列陣，而艾道拿坐騎「家樂飛駒」則排12檔，因此都係作配較宜。尾關蔡廐「金匯昇昇」上仗配嘉里劣勢下追回第4，今次立即強配潘頓，看格局都係心急交代，騎練合作上名率高，信得過。