【獨門秘技】黎昭昇發揮谷草「力量」

黎昭昇暫時4W，全部都在谷草取得，上季開倉35W其中24W在谷草取得，瞄準細場出擊，今期8場出馬7匹算大陣仗，必然配合出擊，推介第5場四班1650米美國會所盃的「亞洲力量」。

此場「贏科超影」上仗在蔡明紹胯下重開勝門，照計今仗升班亦可策騎，故相信絕大機會乃揀騎「亞洲力量」，後駒上季曾配蔡明紹贏泥地一哩，今季初出跑1200米熱身性質蔡明紹亦策騎，早已洞悉實力，上仗季內第3戰泥地後追入位，熱身足夠，上季同樣為第4仗贏，故蔡明紹揀騎不無道理，另一點前季在苗廐或上季在黎廐時，首次上名後再出都入Ｑ，證明一旦跑起狀態便可維持一段時間，谷草一哩曾跑第4僅兩馬位負「精彩生活」，細場長途亦兩度入位，一樣啱發揮，排3檔慳位留住可偷襲。

西門獨重心

第5場12亞洲力量

拖 2對衡之星4鋒芒勁露5紅海勁6威威鬥士