【露露通】天天智庫可放到

何澤堯同潘明輝先後被裁定違反賽事規例100（2）條被重罰停賽，現任首席受薪董事方顯韜今年1月正式上任，年內已處理幾宗備受爭議的案件。新官在位，處理手法當然同前任有別，回看季內何澤堯、潘明輝兩宗近似案例，留意到現任競賽董事小組均對終點線明顯睇得非常重要，小潘同何澤堯鞭打推踢韁繩操控幾乎做足，只係終點前一步大意就惹來重罰，唔少人都為此抱不平。受薪董事從來係三煞位，尤其近年爭議事件愈來愈多，除咗佢哋，唔同持分者都有壓力，如何取得平衡，相信現有班底仍要時間摸索。

第1場「天天智庫」來到服役第5季，能力唔高但起碼贏過馬，其最佳跑法都係跟前或是自行領放，喺谷草賽事從來都佔優，只要領放得宜大可一放到底。