地獄黑仔王連輸20隻 今期繼續買莊開閒？

張家輝響《賭俠2002》譯演地獄黑仔王李加乘，由細到大黑到盡，洗面扭斷水龍頭，坐天台畀人推落街，最慘係賭錢買莊開閒，從未贏過一鋪...呢一邊嘅潘頓，依家直頭掛住地獄黑仔王嘅牌頭喇，好似「同舟共濟」塞到冇位上，「金匯昇昇」騎輸跑梗頸，仲有「能文能武」入直路望腳收停，唔止你黑，跟著你買嘅馬迷都黑埋一份呀...剛剛潘頓騎「發財大師」響馬林求其追第5，仲罕有畀競賽小組話要全力策騎...仲之樣樣嘢衝住佢而來喇。

潘頓已經兩期足足20隻未贏過，更加收咗競賽小組一張黃牌警告，今期真係要打醒十二分精神喇，騎足8場嘅佢，究竟贏唔贏到？睇佢手馬，講真牌面一般咋...最有可能幫潘頓破局，係第2場「財才」，伍鵬志嘅馬最可靠，上次快時間贏馬姿態又好，真係靠晒佢喇。