文家良：上季國際賽塞死 我心情好似跌落大海！

文家良話上年「金鑽貴人」塞車輸咗香港短途錦標，心情好似跌咗落大海一樣，今次入直路一度無位上，都一度有啲驚，之後見到可以望空，就知高潮嚟緊，結果順利贏馬，對比於10年前首次有「鷹之團」跑國際賽，練者話「金鑽貴人」當然係勁好多，而佢話今日策略盡量都係跟住啲放頭馬，走位上相信冠軍騎師潘頓會執生。下半季部署方面，依家講究竟會唔會遠征，真係言之尚早，但下半季首次目標都係香港速度系列嘅三關賽事，希望可以再做多次三冠短途王。