中山競馬場歡送春秋分 明年偕杏目配種

日本馬王「春秋分」由去年秋季天皇賞開始一連攻下6場一級賽勝仗，今年3月首次遠征杜拜出戰2400米G1杜拜司馬經典賽以玩敵姿態大勝對手，返回日本後出戰寶塚記念、秋季天皇賞、日本盃全數取勝，由於此駒跑法彈性，無論用咩跑法都贏得非常輕鬆，所以全球賽馬傳媒都高度注視這匹世界一哥，不過「春秋分」贏完日本盃之後，幕後認為佢未必可以以最佳狀態出戰今年有馬記念賽，所以決定放棄呢場一級賽，直接安排「春秋分」退役，明年起作種馬。

「春秋分」前日(12月16日)喺日本中山競馬場舉行退役儀式，唔少馬迷入場歡送世界一哥。日前社台牧場已經公布「春秋分」首年配種費為2000萬日圓(折合約107萬港元)，打破了日本種馬首年配場費嘅紀錄，認真誇張。而「春秋分」明年都會同日本最強馬后「杏目」配種，相信唔少人都好期待佢哋嘅子嗣呀！